په کاپیسا کې چاودنې ۱۰ تنو ته مرګ ژوبله واړوله
![](https://middleeastpress.com/pashto/wp-content/uploads/sites/4/2019/11/468E0073-DF7B-4D68-8B66-7137A08CE175_cx0_cy6_cw0_w1200_r1_s.jpg)
د کاپیسا ولایت په «اله سای» ولسوالۍ کې د سړک غاړې ځای پرځای شوي ماین د چاودنې په پایله کې درې تنو خپل ژوند له لاسه ورکړی او اووه تنه نور ټپیان شوي دي.
د خاورمیانه خبرې اژانس د راپور له مخې دغه پیښه تیر ماذیګر د اله سای ولسوالۍ په بازار کې رامنځته شوي ده.
د کاپیسا د پولیسو ویاند شایق شورش وایي چې ددې چاودنې په پایله کې درې تنه ملکي وګړي وژل شوي او اووه تنه نور ټپیان شوي دي.
د نوموړي پر وینا،ددې پیښې د ټپیانو په مینځ کې پینځه تنه ملکي وګړي او دوه تنه امنیتي سرتیري شامل دي.
که څه هم شورش د ددې ماین ایښودنې نسبت طالبانو ته کوي؛ مګر طالبانو لا تر اوسه په دې اړه خپل نظر څرګند کړی نه دی.