د ختیځ په کچه د کرونا ويروس ۱۹ نورې مثبت پېښې ثبت شوې

د ننګرهار چارواکي وایې، د ننګرهار ولايت کرونا تجريد روغتون په لابر اتوار کې د ختيځ په کچه په تېرو څلرويشتو ساعتونو کې ۳۴ نمونې کتل شوي، چې له جملې يې ۱۲ مثبت او ۱۸ منفي دي .

د خاورمیانه خبري اژانس د خبر له مخې، د ننګرهار مطبوعاتي دفتر وایې د معلوماتو له مخې په تېرو څلرويشتو ساعتونو کې ۱۵ نمونې د ننګرهار ولايت اړوند دي، چې دولس يې مثبت او درې منفي دي.

همدا راز ۱۹ نمونې د لغمان ولايت وې، چې پنځه يې مثبت او څوارلس منفي دي.

د کونړ ولايت اړوند دوه مثبت پېښې دي او په نورستان ولايت کې کومه مثبته پېښه نشته.

د ننګرهار عامې روغتيا رياست د معلوماتو له مخې په مثبتو پېښو کې اووه تنه د يوې کورنۍ غړي دي او اټکل کوي؛ که خلک وقايوي لارښوونې عملي نه کړي؛ نو په راتلونکې کې به د مثبتو پېښو شمېر نور هم چټک شي.

د يادونې ده، چې په تېرو څلرويشتو ساعتونو کې په دې ولايت کې د کرونا ويروس له امله يو تن وژل شوی دی.

تر دې دمه په ټول ختيځ کې د کرونا ويروس ۱۳۱ مثبت پېښې ثبت شوي، چې  ننګرهار ولايت کې د ټولو مثبت پېښو شمېر ۶۷، لغمان ۴۱، کونړ ۲۷ او نورستان ولايت کې تر دې دمه مثبت پېښه نه ده ثبت شوې.

د يادونې ده، چې د ننګرهار کرونا تجريد روغتون څخه څلور تنه تر جوړيدو وروسته کورونو ته ستانه شوي او اووه تنه وفات شوي دي.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *