په کندهار کې یوه سیمه ایز پولیس ۴ پولیس په ډزو ووژل

۲۵ حوت ۱۳۹۸

د سیمه ایزو پولیسو یوه سرتیري د کندهار ولایت په «ژړۍ» ولسوالۍ کې په یوه خپل مینځي برید کې څلور پولیس په ډزو ووژل.

د خاورمیانه خبرې اژانس د راپور له مخې،دغه پیښه نن سهار وختي(کب ۲۵) د ژړۍ ولسوالۍ په «چهار شاخ» سیمه کې رامنځته شوي ده.

د کندهار د والي ویاند بهیر احمدي ویلي دي چې بریدګر د طالبانو نفوذي کس وو او پر خپلو ملګرو باندې له ډزو وروسته تښتیدلی دی.

د نوموړي پر وینا،په دغه برید کې د پوستې قومندان او د پولیسو درې سرتیري وژل شوي او یو بل تن ټپي شوی دی.

وسله والو طالبانو لا تر اوسه په دې اړه خپل نظر څرګند کړی نه دی.

خپل مینځي بریدونه د امنیتي ځواکونو یو له لویو ستونزو څخه دي چې ډیرې یې د جعلي تذکرو د ویش له امله چې په ډیرې اسانۍ سره غوښتونکو ته ورکول کیږي ،رامنځته کیږي.

افغانستان

سیمه ایز پولیس

قندهار


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.