په هېواد کې د کرونا ویروس مثبتې پیښې ۱۰ ته ورسیدې

۲۴ حوت ۱۳۹۸

په درې نورو ولایتونو کې د کرونا ویروس د درې مثبتو پیښو په ثبتیدو سره په ټول هېواد کې د کرونا ویروس د مثبتو پيښو شمېر لس تنو ته ورسید.

د خاورمیانه خبرې اژانس د روغتیا د برخې د راپور له مخې،دا درې مثبتې پیښې د بلخ،سمنګان او کاپیسا په ولایتونو کې ثبت شوي دي.

د عامې روغتیا وزارت ویاند، وحیدالله مایار وایي چې د دې درې پیښو په ثبتیدو سره په هېواد کې د کرونا ویروس(کوید ۱۹) د مثبتو پیښو شمېر ۱۰ ته رسیدلی دی.

د عامې روغتیا وزارت د مالوماتو له مخې، تر اوسه پورې په لابراتوارونو کې ۱۸۱ مشکوکې نمونې ټیسټ شوي چې د لس نمونو پایلې مثبتې او ۱۷۱ نمونې ( د دایکندي، پروان او پکتیا په ګډون) منفي شمېرل شوي دي.

دې وزارت ویلي دي چې ۵۲ نورې مشکوکي نمونې د لابراتواري څیړنو څخه لاندې دي چې پایلې به یې وروسته اعلان شي.

افغانستان

بلخ

سمنگان

کرونا


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.