په هرات کې د «کرونا» ویروس خپریدل تکذیب شو

۳ حوت ۱۳۹۸

د هرات ولایت روغتیایي او سیمه ایز چارواکي په دغه ولایت کې د «کرونا» ویروس د پیښې ثبتیدل ردوي او دغه یوه اوازه ګڼي.

د خاورمیانه خبرې اژانس د راپور له مخې،نن سهار( کب ۳) ویل کیدل چې په هرات کې د کرونا ویروس (۱۹ کووید) یوه پیښه ثبت شوي ده.

مګر د هرات والي او روغتیایي چارواکو دغه خبر رد کړی او یوه اوازه یي بللي ده.

د هرات ولایت په خبرپاڼه کې راغلي دي چې «په هرات کې د کرونا ویروس د یوې مثبتې پيښې په اړه د یوې ملې رسنۍ راپور حقیقت نه لري ».

د خبرپاڼې څخه په نقل،تر اوسه په هرات کې د کرونا ویروس هیڅ مثبته پیښه لیدل شوي نه ده؛ مګر د هرات ولایت په ځمکني او هوایي سرحدونو کې ددې ویروس د احتمالي رانتقالیدو لپاره جدې اقدامات نیول شوي دي.

دا په داسې حال کې ده چې له چین پرته په ایران کې هم د کرونا ویروس تازه پیښې ثبت شوي او د راپورونو پر اساس په دې وایروس اخته ۴ تنو خپل ژوند له لاسه ورکړی او ۱۸ تنه ایرانیان پرې اخته شوي دي.

کرونا ویروس

هرات


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.