د پاکستاني لورې د تورخم دروازې تړل کیدل
د ننګرهار ولایتي چارواکي وایي، نن سهار د تورخم دروازه د امنیتي ستونزو له امله د پاکستاني لوري د نامعلوم وخت لپاره تړل شوې ده.
د ولایت ویاند عطاالله خوږیانی پر خپله فیسبوک پاڼه لیکلي چې د چهارشنبې له سهار د تورخم لویه لار دترافیکو او مسافرینو پر مخ تړل شوې ده.
خوږیاڼی د یادې لارې تړل کیدل امنیتي ستونزې یادوي او زیاتوي له پاکستاني چارواکو سره یې خبرې روانې دي څو د تورخم لاره بیرته پرانیزي.
وخت ناوخته دغه دروازه د امنیتي ستونزو او سیاسي ناندریو له امله تړل کیږي چې، له امله یې پر یاده لاره تلوونکي مسافر او سوداګر له ګڼو ستونزو سره مخ کیږي.