د بهرنیو اسعارو پر وړاندې د افغانیو د ارزښت پورته کیدل

د افغانستان د سولې،سیمې او نړۍ د وروستيو پیښو او ددې ترڅنګ د هېواد په ځینو ولایتونو کې په سوداګریزو معاملاتو کې د پاکستانیو کلدارو پر استعمال بندیز او د مرکزي بانک له لورې د ډالرو د لیلام کیدو سره د افغانیو پر وړاندې د ډالر ارزښت د کمیدو په حال کې دی.

د خاورمیانه خبرې اژانس د سوداګریزې برخې د راپور له مخې د تیرې اوونۍ په نسبت د افغانۍ پر وړاندې د ډالر په بیه کې ۰.۴(څلویښت پوله) کموالی راغلی دی.

د کابل د نن ورځې ( مرغومي۲۸) په بازار کې د ډالر پر وړاندې د افغانیو ارزښت د ۷۶.۸۰ افغانۍ سره برابر دی چې د وروستیو ورځو په جریان کې یې د نیمې افغانۍ په اندازه کموالی موندلی دی.

د نورو بهرنیو اسعارو پر وړاندې د افغانیو ارزښت په دې ډول دی:

یو ډالر د ۷۶.۸۰ افغانیو سره برابر

یوه یورو د ۸۵.۱۰ افغانیو سره برابر

یو انګلیسي پونډ د ۹۹ افغانیو سره برابر

یو سعودي ریال د ۲۰.۳۵ افغانیو سره برابر

د اماراتو یو درهم د ۲۰.۸۵ افغانیو سره برابر

زر ایراني تومان د ۵.۸۰ افغانیو سره برابر

زر هندي روپۍ د ۱۰۸۰ افغانیو سره برابر

او زر پاکستانۍ کلدارې د ۴۸۴ افغانیو سره برابرې تبادله کیږي.

د کابل د اسعارو د بازار د مالوماتو له مخې،د افغانیو او نورو بهرنیو اسعارو بیې هره شیبه د بدلون په حالت کې دي.

د افغانیو پر وړاندې د بهرنیو پیسو په ځانګړي ډول د ډالر د ارزښت دا ډول کمیدل په داسي حال کې دی چې تیره اوونۍ هم مرکزي بانک له ۳۰ میلیونه څخه زیات ډالر لیلام کړي وو.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *