ښځې د تبر په واسطه خپل خاوند ټوټه ټوټه کړ
یوې ښځې چې د تبرپه واسطه یې خپل خاوند ټوټه کړی او وژلی وو د کابل د پولیسو له لوري نیول شوي ده.
د خاور میانه خبرې اژانس د راپور له مخې،دغه پیښه تیره شپه د کابل ښار په ۲۱ ناحیه کې رامنځته شوي او قاتله هم د امنیتي ځواکونو سره په بند کې قرار لري.
د کابل د پولیسو په خبرپاڼه کې راغلي دي چې «نازي ګل» د شپې پر مهال د «ملا تره خیل ډاګ»په سیمه کې خپل خاوند د تبر په واسطه په خپل کور کې وژلی دی.
د خبرپاڼې په نقل«د نازی ګل د ضیاءالدین لور چې د ۲۱ ناحیې کې واقع ملاتره خیل ډاګ اوسیدونکي ده د ۱۳۹۷/۱۲/۱۹پر ۱۸ شپې د شمس الدین ولد فضل الدین په نوم خپل خاوند د تبر په واسطه په قتل رسولی وو،نن ورځ ۱۳۹۷/۱۲/۱۹ نیټه د کابل د امنیه قومندانۍ د دولسمې حوزې په مربوطاتو کې د اړوندې حوزې د منسوبینو له لوري نیول شوي او د قانون منګولو ته سپارل شوي ده.»
لا تر اوسه ددې پیښې لامل روښانه شوی نه دی.