داعش د مالي برخې درې مسولین نیول شوي دي -

په ننګرهار کې د داعش ترهرګرو د مالي برخې درې مسولین نیول شوي دي.

د ننګرهار د والي ویاند عطاالله خوګیاڼي خاورمیانه خبري اژانس ته وویل: د ننګرهار ولایت د بهسودو په ثمرخیلو او جلال اباد ښار قصبې سیمو کې د ملي امنیت ځآنګړو ځواکونو پرون د لړم په ۱۱مه له غرمې وروسته د ځآنګړو عملیاتو په ترڅ کې د داعشیانو مالي برخې درې مسؤلین خاصدار،نیازمین او محمد عباس ژوندي ونیول .

د مالوماتو له مخې په نیول شوو کسانو کې خاصدار د داعش ډلې مشر عبدالله خراساني ته د پیسو را ټولو او نوموړي ته د لیږد په برخه کې فعالیت ترسره کولو،چې د همدې امکاناتو څخه په ګټې اخیستنې تروریستي بریدونه ترسره کول .

په ورته وخت کې د ملي امنیت ځآنګړو ځواکونو تېره شپه د حصارک ولسوالۍ په جوکان سیمه کې عملیات ترسره کړي،چې په ترڅ کې د وسلو طالبانو د وسلو،مهماتو او چاودیدونکو توکو ډکه ډیپو،یو عراده موټر سایکل او نور توکې لمنځه وړل شوي دي.