په ترکیه کې اوه تنه افغان کډوال مړه شوي دي -

په ترکیه کې د ۶ تنو افغان ماشومانو او یوې ښځې مړي وموندل شول

د ترکیې د وان په ولایت کې د ایران سره په پوله کې د ۶ تنو افغان ماشومانو او یوې ښځې مړي وموندل شول.

د ترکیې د وان په ولایت کې ۷ تنو ناقانونه افغان کډوالو د سختې سړې هوا له امله ژوند د لاسه ورکړ.

د سیمې نه د ترلاسه شوو معلوماتو له مخې ۳۳ تنه افغان کډوالو چې د ناقانونو لارو څخه د ایران سره په پوله کې د ترکیې د وان ولایت ته راغلي ول ۷ تنو يي د سختې سړې هوا له امله ژوند د لاسه ورکړ. د نوموړو ۷ تنو نه ۶ تنه يي ماشومان او یوه ښځه ده.

د وان ولایت د جاندارما قومندانۍ د خبر له مخې ۳۳ تنه افغان کډوال چې د ناقانونو لارو څخه د هیواد د وان ولایت د چالدران ولسوالۍ راغلي وو په د سختې ګلۍ او سړې هوا له امله يي ۷ تنو ژوند د لاسه ورکړ. د پاتو کسانو نه يي ۸ تنه چې یخ وهلي وو سمدلاسه د سیمې روغتونونو ته استول شوي دي. پاتې ۱۸ تنه نور بیا د جاندارما قومندانۍ ته وړل شوي دي.

د جاندارما قومندانۍ ویلي دي چې نوموړي ۳۳ تنه نن د سهار په ۴ بجو د ایران سره په پوله کې د وان ولایت د چالدارن ولسوالۍ د خان ګیدیک په سیمه کې د جاندارما د ځواکونو د ګزمې پرمهال وموندل شول.

ویل کیږي د نوموړو ۳۳ تنو نه ۷ تنو چې ۶ ماشومان او یوه ښځه وه د سړې هوا او یخ وهلو له امله ژوند د لاسه ورکړی دی .

ویل کیږي د ۸ تنو نورو چې په روغتون کې د درملنې لاندې نیول شوي دي د ۵ تنو روغتیايي حالت باریکه دی. نوموړي ۵ تنه د وان ولایت روغتونونو ته انتقال کړی شوي دي.

د بله پلوه په انقره کې د افغانستان سفارت ویلي دي چې د پیښې نه د خبر د ترلاسه کولو نه يي سمدلاسه وروسته سیمې ته یو هیت استولی دی.

د یادولو وړ ده چې دا لومړی ځل ندی چې داسې یوه پیښه رامنځته کیږي. ددینه وړاندې هم په کراتو مراتو دیته ورته پیښې رامنځته شوي دي