خيبرپښتونخوا کې د باراني توپان له كبله سلګونو كسانو ته مرګ ژوبله اوښتې
خيبرپښتونخوا کې د باراني توپان له كبله سلګونو كسانو ته مرګ ژوبله اوښتې
په خيبر پښتونخوا ايالت كې له تېرې ورځې راهيسې د باراني توپان له كبله ۴۶ كسان مړه او له ۲۰۰ زيات كسان سخت ټپيان شوي دي.
د پاكستاني رسنيو د راپورونو له مخې تېره ورځ مازديګر په خيبرپښتونخوا ايالت كې د باران، ږلۍ او توپان له كبله د ګڼو خلكو كورونه نړېدلي، چې له امله په سلګونو خلك مړه او ګڼ شمېر ټپيان شوي دي.
د راپورونو له مخې د خيبرپښتونخوا په واحد ګرۍ سيمه كې د يوې كورنۍ اته تنه د چت د پرېوتو له كبله مړه شوي دي.
د پېښور ښار مركزي روغتون ليډ ريډنګ مشر وايي چې تر اوسه پورې ياد روغتون ۲۰۰ ټپيان راوړي دي چې د ځينو روغتيايي حالات د اندېښنې وړ دى.
د خيبرپښتونخوا ايالت وزير اعلى پرويز خټك وايي چې په ټولو روغتونو كې يې بيړني حالات اعلان كړي او د ځپل شويو خلكو لپاره يې د خوړو د ۲۰۰ ديګونو د پخولو امر كړى.
د خيبرپښتونخوا اياالت د هواپيژندنې اداره وايي چې تر اوسه يې ۵۹ ملي متره باران ثبت كړى او ويلي دي چې په راتلونكو ۲۴ ساعتونو كې به نور باران او ږلۍ هم واوري.
د راپورونو له مخې په ځپل شوو كسانو كې ډېرى افغانانو ته هم مالي او ځاني زيانونه اوښتي دي.