د ننګرهار د کرنې رییس خپل ژوند له لاسه ورکړ
د ننګرهار د کرنې رییس د کابل ـ جلال اباد پر لویه لار په یوه ترافیکي پیښه کې خپل ژوند له لاسه ورکړ.
د خاورمیانه خبرې اژانس د راپور له مخې،دغه ترافیکي پیښه نن سهار( لړم ۲۶) د کابل ـ جلال اباد پر لویه لار د سرخکانو په سیمه کې رامنځته شوي ده.
د ننګرهار ولایت مطبوعاتي دفتر اعلان کړی چې په دې ترافیکي پیښه کې د ننګرهار د کرنې،اوبو رسونې او مالدارۍ رییس سمیع الله نصرت خپل ژوند له لاسه ورکړی دی.
په ورته وخت کې د کرنې ،اوبو رسونې او مالدارۍ وزارت ویاند اکبر رستمي هم دغه پیښه تایید کړي ده.
انجینر نصرت د پینځو کالو راهیسې د ننګرهار د کرنې،اوبو رسونې او مالدارۍ ریاست په برخه کې فعالیت کوي.