د ننګرهار له پاره د طالبانو مرستیال والي و وژل شو

۳۱ حمل ۱۳۹۸

چارواکې وایې د ننګرهار لپاره د وسله والو طالبانو تش په نوم نومول شوی د والي مرستیال د دوی د ګڼ شمیر رهبرۍ غړو سره وژل شوی دی.

د ننګرهار ولایت د رسنیو له د فتر څخه خاورمیانه خبري اژنس ته په را لیږل شوې خبرپاڼه کې راغلي؛ د ننګرهار ولایت شیرزادو ولسوالۍ مرکیخیلو سیمه کې تېره شپه ماښام شاوخوا شپږ بجې د بې پیلوټه الوتکې په دوو پرلپسې بریدونو کې د دې ولایت لپاره د وسله والو طالبانو تش په نوم نومول شوی د والي مرستیال “شیخ زرمحمد” چې مشهور په رحماني وو،د دوی د ګڼ شمیر رهبرۍ غړو سره یو ځای وژل شوي دي.

خبرپاڼه کې ویل شوي، په یاد برید کې همدا راز د شیرزادو ولسوالۍ لپاره د وسله والو طالبانو تش په نوم د نومول شوي ولسوال مرستیال نورالله،د شل کسیز ګروپ مشر سیدا جان او جنګي قوماندان ذبیح الله په ګډون شپاړس وسله وال طالبان وژل شوي دي .

خبرپاڼه زیاتوي؛  دې برید کې د یادې ولسوالۍ لپاره د وسله والو طالبانو تش په نوم نومول شوی قاضي مولوي محمد عالم او د هغه ورور د ۱۷ نورو مخالفینو سره سخت ټپیان شوي دي.

وسله والو طالبانو تراوسه په دې اړه څه نه دي ویلي.

مرستیال والي

ننګرهار


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.