د هلمند په چاودنه کې ۱۲ تنه ټپیان شوي دي

۲۷ حمل ۱۳۹۸

د هلمند ولایت په ګرشک ولسوالۍ کې د ملکي وګړو پر یوه مسافر وړونکي موټر باندې د سړک د غاړې د یوه ماین د چاودنې په پایله کې د یوه ماشوم په ګډون ۱۲ تنه ټپیان شوي دي.

د خاور میانه خبرې اژانس د راپور له مخې،د هلمند ولایت مطبوعاتي دفتر د یوې خبرپاڼې په خپرولو سره ویلي دي دغه پیښه تیره شپه د ګرشک ولسوالۍ بازار ته نږدې رامنځته شوي ده.

په خبرپاڼه کې راغلي دي چې دغه چاودنه د ملکي وګړو پر یوه موټر ترسره شوي چې په پایله کې یې د یوه ماشوم په ګډون ۱۲ تنه ټپیان شوي دي.

د هلمند ولایت د رسنیو دفتر وایي چې ټپیان روغتون ته لیږدول شوي دي.

لا تر اوسه کوم یو شخص یا ډلې ددې پیښې مسوولیت پر غاړه اخیستی نه دی.

د یوه بل خبر له مخې د ۲۱۵ میوند قول اردو د څلورمې لوا د دویم کنډک قوماندان «شیر احمد» چې په نادعلي ولسوالۍ کې میشتو ځواکونو د مرستې لپاره په لاره وو د لغمانیو په کلې کې د وسله والو طالبانو له کمین سره مخ شوی دی.

د راپورونو له مخې  په دغه نښته کې یاد قومندان د یوه سرتیري سره یوځای خپل ژوند له لاسه ورکړی او دوه تنه نور ټپیان شوي دي.

چاودنه

هلمند


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.