د لوګر ولایت د ولسي جرګې د ټاکنو وروستۍ پایلې
د ټاکنو د خپلواک کمیسیون له لوري د لوګر ولایت د ولسي جرګې د ټاکنو وروستۍ پایلې اعلان شوي.
د خاور میانه خبرې اژانس د راپور له مخې،له دې ولایت څخه د یوې ښځې په ګډون څلورو تنو راتلونکي پارلمان ته لار موندلي ده.
د ټاکنو خپلواک کمیسیون د تیرې شپې په نیمایي کې اعلان وکړ چې د لوګر ولایت څخه شاهپور خان حسین زی،انجینر محمد اصف نبي زي،محمد خالد مومند او هما احمدي هغه نوماندان دي چې ولسي جرګې ته یې لار موندلي ده.
د لوګر ولایت په ابتدایي پایلو کې محمد اسماعیل صدیقي،وفي الله افتخار،انجینر محمد اصف نبي زی او هما احمدي ګټونکي اعلان شوي وو.
تر اوسه پورې د پارلماني ټاکنو د ۲۶ ولایتونو او د هندوانو د حوزې پایلې اعلان شوي دي او د کابل په ګډون د نورو اووه ولایتونو پایلې لا تر اوسه اعلان شوي نه دي.
Author
About Author
