د هېواد په ځینو برخو کې د واورې،باران او سیلابونو د راتګ احتمال

د افغانستان د هوا پیژندنې ادارې په ځینې ولایتونو کې د واورې د اورښت او د سیلابونو سره مل نسبتاً سختو بارانونو د راتګ خبر ورکړی دی.

د خاور میانه خبرې اژانس د راپور له مخې،نن او صبا ته ( کب ۲۰ او ۲۱) د اورښت د احتمال وړاندوینه شوي او نسبتاً د اورښت د راتګ خبرداری ورکړل شوی دی.

د هوا پیژندنې ادارې په خبرپاڼه کې راغلي دي چې د هرات، فراه، هلمند، غور، دایکندي، قندهار، زابل، ارزګان، غزني، پکتیکا، خوست، پکتیا، لوګر، وردګ، کابل، ننګرهار، کونړ، نورستان، پنجشیر، لغمان، کاپیسا، او پروان ولایتونه به د اورښت او سیلابونو د راتګ شاهدان وي.

ددې ادارې د وړاندوینې له مخې،د باران د اورښت اندازه به د ۱۵ ملې مترو څخه تر ۳۰ ملې مترو پوري او د واورې د اورښت اندازه به د ۱۵ سانتي مترو څخه تر ۳۰ سانتي مترو پورې وي.

همدارنګه د هوا پیژندنې ادارې د یادو ولایتونو په یو شمېر برخو کې د سیلابونو د مینځته راتګ خبرداری هم ورکړی دی.

دا په داسې حال کې ده چې د تیرو ورځو په جریان کې د هېواد په یو شمېر ولایتونو کې  بارانونو او سیلابونو راتګ خلکو ته لویه برخه تلفات او زیانونه اړولي وو.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *