په بیت المقدس کې د موتر په برید کې نږدې ۲۰تنه اسراییلیانوته مرګ ژوبله اوښتې ده

په بیت المقدس کې د موتر په برید کې نږدې ۲۰تنه اسراییلیانوته مرګ ژوبله اوښتې ده

په بیت المقدس کې یو سړي پر اسرایلو سرتېرو باندې خپل ګاډی خيژولی او لږ تر لږه څلور تنه یې وژلي دي.

پېښه چې د یکشنبې په ورځ وشوه، شاوخوا ۱۵ نور کسان ژوبل شوي هم دي. پولیس وايي اسرایلي سرتیري له یو بس نه ښکته شوي وو چې موټروان پرې خپل موټر وروست. د پولیسو یوې ویاندې لوبا سمري وویل موټروان په ډزو ووژل شو.

د اسوشیټټ پرس وايي دا برید پر اسرایلو د فلسطینیانو د چاقوګانو، په ډزو د اسرایلي سرتېرو د وژلو او ګاډو د بریدونو یوه برخه ده چې له څه باندې یو کال راهېسې پیل شوي دي.

دا په دریو میاشتو کې د اسرایلي سرتېرو د خپل ډول لومړني تلفات دي. د ۲۰۱۵ کال له سپتمبر راهېسې د فلسطینیانو په بریدونو کې شاوخوا ۴۰ اسرایليان او دوه امریکايي سیلانیان وژل شوي دي.

خو د اسرایلو په متقابلو بریدونو کې بیا ۲۲۹ فلسطیینیان وژل شوي دي. اسرایل وايي ډېر وژل شوي فلسطینیان بریدګر وو. اسرایل وايي د فلسطینیانو بریدونه د اسرایلو پر ضد د پاروونکو کمپاینونو یوه برخه ده، خو فلسطینیان بیا وايي چې دا شخړې د فلسطینیانو د ځمکو د غصب نتیجه دهه.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *