له هند سره په گډه پوله کې پاکستاني پوځيان له ترهگرو سره مرسته کوي

هندي پوځي مسولينو ويلي دوی داسې انځورونه تر لاسه کړي چي درې تنه ترهگر له پولي د را وښتو هځه کوي خو د هندي سرتيرو په غبرگون سره د پاکستاني پوځيانو له لوري ژغورل کيږي

د هند او پاکستان له ګډې پولې داسې انځورونه خپاره شوي چې هند ته د د دریو ترهګرو د اوشتی او د هندی سرتیرو د غبرګون پر مهال د پاکستاني پوځیانو له لوري یې د ژغوریدو ښکارندویي کوي. هندي سرتیري وایي کله چې دوی ددې ترهګرو د نیولو هڅه کوله د پاکستاني پوځیانو له لوري دوی ته د تیښتې او ژغورنې لاره هواره شوې ده.

دهارميندرا پاريخ – « له دې سره چې دې بریدګرو ماته خوړلې او شاتګ ته اړ شوي دي خو پاکستاني پوځیانو ددوی ژغورنې ته لاره هواره کړې ده دا ډول ترهګر کله چې د هندي سرتیرو له غبرګون سره مخ کیږي په ډيرې هوساینې سره د پاکستاني پوځیانو په مرسته خپلو مرکزونو ته ګرځول کیږي.”

د دې هندي چارواکي په وینا، دې دریو بریدګرو غوښتل د هند خاورې ته په ننوتلو سره د دیوالي په مراسمو کې وسله وال او ځانمرګي بریدونه تر سره کړي. دا مراسم هرکال په هند کې تر سره کیږي او د دې هیواد په هره برخه کې په میلیونونه کسان پکې ګډون کوي.

د هند او پآکستان ترمنځ شخړې له هغه وروسته ډيرې شوې کله چې له ګډې پولې سره نږدې د پوځیانو په یوه مرکز په ډله ایز برید کې اولس کسان ووژل شول او هند پاکستان په دې برید کې پّ لاس لرلو تورن کړ خو پاکستان بیا تل دا تورونه رد کړي دي.