د افغانستان حکومت د ماشومانو په ساتنه کې پاتې راغلی دی

د بشري حقونو د څارنې سازمان هیومن رایټس واچ وايي، د افغانستان حکومت د هغو په زرګونو ماشومانو په ساتنه کې ناکام شوی چې تر ډېرو خرابو شرایطو لاندې کار کوی.

9

دغه نړېوال سازمان په هغه رپوټ کې چې نن خپور شوی، په۳۱ مخونو کې د افغان ماشومانو وضعیت ته کتنه کړې ده.

رپوټ وايي چې په افغانستان کې ان د پنځو کلونو ماشومان کار کولو ته اړ کیږي چې دا په دې هېواد کې د کار له قانون او نړیوالو بشري قوانینو سره په تضاد کې ده.

د بشري حقونو د څارنې د نړیوال سازمان د افغانستان د چارو څارونکې پتي ګوسمن پرون ازادي راډیو ته وویل:

“د افغانستان حکومت باید د کارخانو څارنه زیاته کړي څو په خطرناکو ځایونو لکه د خښتې پخولو په بټیو او فلزکاري کې د کوچنیانو د کار مخنیوی وشي. اوسمهال هلته د قانون د تنفیذ په برخه کې خلا ده. دوهم مهم ګام دا دی چې کوچینانو ته د درس زمینه برابره شي.”

د بشري حقونو د څارنې نړیوال سازمان وايي، د هغو ماشومانو تر نیمايي کمه برخه ښوونځیو ته چې په خطرناکو ځایونو کې کار کولو ته مجبور دی.

د افغانستان حکومت تراوسه په دې اړه غبرګون نه دی څرګند کړی.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *