ترکیې ته د روزنې په موخه د حماس ځواکونو پر استولو د قسام نیوکې -

د عزالدین قسام مشرانو ترکیې ته د دیني او پوځي زدکړو په موخه د حماس ډلې د غړیو پر استولو نیوکه کړې ویلي یې دي: ترکیه په خپله د اسرایلو ملګری هیواد دی.

د العرب الان خبري آژانس د ریپوټ له مخې د عزالدین قسام یوه قومندان محمد ضعیف، ترکیې ته ددې ډلې د غړیو پر استولو نیوکه کړې ویلي یې دي: ترکیې ته د ددې کسانو استول ددې مانا لري چې د اسرایلو لاس ته د حماس ډلې د مالوماتو ورکول دي او حماس ډلې له لوري ددې لویې تیروتنې په هکله مونږ سترګې نشو پټولای.

دا په داسې حال کې ده چې ترکیې یوه لوړ پوړي امنیتي چارواکي، د تل آویو او انقرې ترمنځ د اړیکو په عادي کیدو سره اعلان وکړ چې پّ تیرو دوه کلونو کې د دواړو هیوادونو ترمنځ هیڅکله اړیکې پرې شوې نه وې او دا اړیکې دومره پیاوړې وې چې د سیاسي کړنو له سیوري ژغورل شوي دي.