پاکستاني پولیسو په پېښور ښار کې لسګونه افغانان نیولي
د پاکستان پوليسو په بېلابېلو سيمو کې د عملياتو پر مهال ٥٥ افغانان نيولي دي.
پاکستاني رسنيو د سلواغې په ٥مه خبر ورکړى چې ياد افغانان پرون د خيبر پښتونخوا ايالت د مرکز پېښور ښار په بېلابېلو سيمو کې نيول شوي دي.
سرچينې زياته کړې چې امنيتي ځواکونو د پېښور ښار اړوند په کارخانو مارکېټ، اشنغرۍ او قاضي کلي کې چاڼيز عمليات کړي او د ٥٥ افغانانو په ګډون يې ١٥٩ شکمن کسان نيولي دي
.
راپورونه وايي چې ياد افغانان د قانوني اسنادو نه لرلو او په ځينو جرمونو کې د لاس لرلو په تور نيولي او اوس تر پلټنو لاندې دي.
د يادونې ده، په دې وروستيو کې د پاکستاني امنيتي ځواکونو له خوا د نيولو او له پولې د را اړولو لړۍ چټکه شوې ده.
دا کار وروسته له هغه پيل شوی چې په پېښور ښار او چارسده کې ډله ييزو بريدونو او چاودنو لسګونو کسانو ته مرګ ژوبله واړوله.
Author
About Author
