غزه کي لاريونونه تر سره شوي دي -

له فلسطينيانو سره د نړيوال يوالي د ورځې په رارسيدو سره د په نيولو شويو سيمو او غزه کي لاريونونه تر سره شوي دي

لاريون کونکو د فلسطيني سيمو د نيواک گړی د پاي ته رسولو غوښتنه کوله د فلسطين دولت هم له نړيوالې ټولنې په دي برخه کي د کوټلو گامونو د پورته کولو غوښتنه کوله

ملګرو ملتونو د نولس سوه اوه څلویښتم کال د نوامبرپه نهویشتمه د یوه بل تر ځنګ د اسرایلي او فلسطیني هیوادونو د رامنځ ته کیدو پریکړه کړې ده نو له دې مخې دا ورځ له فلسطینیانو سره د نړیوالو د یوالي په نامه نومول شوې ده. ددې ورځې په رارسیدو سره تیره ورځ د فلسطین او نورو هیوادونو په ځینو سیمو کې په دې تړاو لاریونونه

تر سره شوي او فلسطینیانو یوځل بیا له نړیوالې ټولنې وغوښتل ترڅو د اسرایلو نیواک ګری ته د پای ټکی کیږدي.

د فلسطین بهرنیو چارو وزارت هم د یوې خبر پاڼې په خپرولو سره له نړیوالو غوښتي ترڅو د فلسطین به هکله خپل حقوقي او اخلاقي مسولیت درک او د فسلطینی ستونزې د هواری لپاره جدي ګامونه پورته کړي. فلسطینیان په داسې حال کې له دې ورځې نمانځنه کوي چې په دې سیمه کې د دواړو خواوو ترمنځ شخړو ته زور ورکړل شوی دی او نږدې دوه میاشتې وړاندې د فسلطین په نیول شویو سیمو کې له سلو ډير اسرایلیان او فلسطینیان وژل شوي دي. بله خوا ویل شوي چې نن سهار هم د اسرایلي سرتیرو له لوري یو فلسطینی ځوان وژل شوی او درې نور ټپیان دي.