طالبانو پر ارچې هم برید کړی
لسګونو طالبانو د کندز د ارچې په ولسوالۍ برید کړی دی.
د ارچي ولسوال نصر الله سعدي وایې چې تقریبا ۲۰۰ وسله والو طالبانو د ارچي ولسوالۍ په مرکزي امنیتي پوستو برید کړی و، او ۲۰۰ تنو نورو د قرلق په نامه کلي باندې برید کړی و چې د ولسوال په خبره له ماتی سره مخامخ شول.
هغه وایې چې طالبان د ارچي ولسوالۍ له یو کیلو مترۍ سره پراته دي.
سعدي زیاتوي چې په جګړه کې درې وسله وال طالبان وژل شوي او درې نور ژوبل دي. نوموړی وایې چې په دغه جګړه کې یو محلي پولیس هم وژل شوی دی. د ارچي ولسوال زیاتوي چې د طالبانو نومول شوی والي ملا عبدالسلام ددغې جګړې په سر کې و.
Author
About Author
