د حوثيانو مشر(عبدالماليک حوثي) عربستان د يمن د نيولو په هڅه تورن کړی دی

ده پر يمن د عربستان له بريد وروسته په لومړنۍ وينا کي ويلي: دوی به هيڅ کله د عربستان بريدونو ته سر ټیټ نکړي او له ټولو لارو څخه په کار اخستني سره به د عربستان د تيري پر وړاندې ودريږي

د حوثیانو یا انصارالله ډلې مشر په دې وینا کې ویلي: عربستان د امریکا او اسرایلو په ملاتړ پر یمن برید کړی دی او سعودي عربستان د یمن د نیولو هڅه کوي.

ده ویلي امریکا پر یمن د تیري کونکو هیوادونو ملاتړ کوي او دې هیواد پر یمن د برید جواز صادر او تر اوسه یي ترې ملاتړ کړی دی.

عبدالمالک حوثي ویلي: د یمن اوسیدونکي د عربستان د بریدونو پر وړاندې د مقاومت حق لري او د ځان ساتنې په موخه به له هرې لارې کارواخلي او عربستان تیري ته به سر ټیټ نکړي. د ویلي د عربستان په مشری ایتلاف د یمن ټولنې بنستیزې ودانې او سیمې بمبار کړې او عربستان د یمن په کورنیو چارو کې د مداخلې حق نلري بلکې یوآځې یمنیان کولای شي خپلې ستونزې په خپله هوارې کړي.

د حوثیانو مشر پر یمن د سعودي عربستان په مشرې د ایتلاف هوایي بریدونو په پنځه ویشتمه ورځ د خبرې کړې دي. د ایتلاف ویاند ویلي: ددوی جنګي ا لوتکو په تیرو دریو اونیو کې پر یمن له دوه زره ډیر بریدونه کړي او حوثیانو ته یي ډير زیان اړولی دی.