په قطر کې د طالبانو له پلاوي سره د ایران د سفیر لیدنه

په قطر کې د ایران سفیر د طالبانو له پلاوي سره لیدلي او په دوحه کې د سولې د مذاکراتو په اړه یې ورسره بحث کړی دی.

د خاورمیانه خبرې اژانس د راپور له مخې،په قطر کې د طالبانو د سیاسي دفتر ویاند،محمد نعیم پر خپلو ټویټر لیکلي دي چې دغه لیدنه تیر ماښام په دوحه کې ترسره شوي ده.

د نوموړي پر وینا،په دغه لیدنه کې «قاري دین محمد حنیف»او «حمید رضا دهقاني»د سولې د مذاکراتو په اړه سره غږیدلي دي.

نعیم وایي چې په ناسته کې د دواړو لوریو پلاوو هم ګډون درلود او د «دواړو هېوادونو پر اړونده موضوعاتو خبرې اترې ترسره شوي».

دا په داسې حال کې ده چې ویل کیږي د افغانستان د جمهوري ریاست او طالبانو پلاوي له درې میاشتو وروسته پر طرزالعمل هوکړې ته رسیدلي دي.

مګر لا تر اوسه هم دوه اړخیزه ګډه ناسته ترسره شوي نه ده.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *