د لوې څارنوالۍ پنځه تنه کارکوونکي په یوه وسلوال برید کې ووژل شول

۲ سرطان ۱۳۹۹

د کابل د ده سبز ولسوالۍ په مربوطاتو کې د لوې څارنوالۍ د کارکوونکو پر موټر باندې د وسله وال برید په پایله کې ددغه ادارې پینځه تنه کار کوونکي وژل شوي دي.

د خاور میانه خبرې اژانس د راپور له مخې،دغه پیښه نن سهار(چنګاښ ۲ مه) د کابل ښار په نونلسمه امنیتي حوزه کې د ده سبز ولسوالۍ پر سړک رامنځته شوي ده.

لوې څارنوالي ددې وسلوال برید په تاییدولو سره وایي چې ددې ادارې د کارکوونکو موټر تر وسله وال برید لاندې نیول شوی دی.

د لوې څارنوالۍ په خبرپاڼه کې راغلي دي چې په دې برید کې،د دوه څارنوالانو،دوه کارکوونکو او یو موټر چلونکي په ګډون ددې ادارې پینځه تنه کارکوونکي وژل شوي دي.

لا تر اوسه کوم یو شخص یا ډلې ددې پیښې مسوولیت پر غاړه اخیستی نه دی.

دا په داسې حال کې ده چې نن له غرمې وروسته د کابل ښار په دهمزنګ سیمه کې د ناڅرګنده وسلوالو په برید کې یو پولیس وژل شوی او یو بل تن ټپي شوی دی.

لوې څارنوالۍ

وسلوال برید

ووژل


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.