امریکا په یمن د کروز توغندي توغولي
امریکایي چارواکي وایي پوځ پرون د پنجشنبې په ورځ د یمن په هغې سیمې کې د رادار درې ځایونه په کروز توغندیو وویشتل چې د حو ثيانوپه لاس کې ده.
امریکایي چارواکو ویلي دي چې د ” تامهاک” په نامه د کروز توغندي پرون د شپې په څلورو بجو وار شویدي.
د امریکا پوځ وایي چې دا برید یې پدې خاطر کړی چې د همدغو سیمو نه د امریکا د بحري ځواکونو په جنګي کښتیو توغندي وار شوي و.
جمهور رئیس براک اوباما د دغو بریدونو اجازه ورکړې وه. دا لومړی ځل دی چې امریکا په یمن کې د حوثي شعیه یاغیانو په اهدافو چې ایران یې ملاتړ کوي، برید کوي.
د امریکا د دفاع د وزارت ویاند پیټر کوک ویلي دي چې دا بریدونه د پرسونل او کښتیو د خوندیتوب په خاطر شویدي.
Author
About Author
