د اسرایلي رژیم په غوښتنه دمصر د ښونځیو په کتابونو کې سمون

دالمصدر صهیونیستي سایټ د اسرایلو او مصر ترمنځ د اړیکو د ټینګښت په هکله ویلي او همدارنګه د اسرایلو په راډیو کې ویل شوي چې د السیسي دولت له اسرایلو سره د پراخو اړیکو غوښتونکی دی او اوس مهال د اسرایلو پر وړاندې د مصریانو د دریځ د بدلون په هڅه کې دي او په دې سره یې د ښونځیو په کتابونو کې د اسرایلو په ګټه سمون راوستلی دی. د اسرایلي څیړونکي جاکي خوجي په وینا: له کله چې د السیسي د مصر ولسمشر په توګه ټاکل شوی د ښونځیو په کتابون کې یې سمون رامنځ ته کړی او دا لړۍ اوس هم دوام لري. ده ویلي اوس مهال مصر د ښونځیو په یو زر درې سوه زرکتابون کې بدلون راوستلی او په ځینو کتابونو کې د مصر او اسرایلو د سولې هوکړې یادونه شوې ده.