نگرانی تاجیکستان از ناامنی ها در سرحداتش با افغانستان

امام علی رحمان، رئیس جمهور تاجیکستان در دیدار با ولادمیر پوتین همتای روسی اش روی سرحدات تاجیکستان با افغانستان صحبت کرده و نگرانی های کشورش را از گسترش ناامنی ها در سرحداتش با افغانستان اعلام کرد.

به گزارش خبرگزاری خاورمیانه، آقای رحمان در این دیدار با ابزار نگرانی از ناامنی در سرحدات افغانستان با کشورش گفته که جنگ در ۶۰ درصد سرحدات افغانستان با تاجیکستان جریان دارد.

رییس جمهور تاجیکستان می‌گوید که در مورد وضعیت سرحدات کشورش با افغانستان نگرانی جدی دارد.

به گفته او، ناامنی در شمال افغانستان روز به روز بیشتر می‌شود.

در همین حال، رییس جمهور روسیه گفته است که دو کشور باید در مورد روابط دوجانبه و وضعیت منطقه بیشتر متمرکز شود.

رییس جمهور تاجیکستان و روسیه دیروز در حالی دیدار کرد که هفته گذشته شهر کندوز به دست طالبان سقوط کرد.

هر چند نیروهای امنیتی این شهر را از طالبان پس گرفتند، اما درگیری بین دو طرف در بخش‌های از شهر کندوز هنوز ادامه دارد.

کندوز در شمال کشور با تاجیکستان مرز مشترک دارد. مقام‌های حکومتی تاجیکستان همواره از افزایش ناامنی در این ولایت ابراز نگرانی کرده‌اند.