د ننګرهار ولايت سيمه ييز روغتون کې د لومړي ځل لپاره يوې مور پنځه ماشومان وزيږول، چې څلور يې نجونې او يو هلک دی.
د ننګرهار سیمه ایز روغتون د نسایي ولادي څانګې مسئوله ډاکټره روشن احمدي وایې د ماشومانو روغتیایي وضعيت د ډاډ وړ دی؛ خو د لا زیاتې پاملرنې په موخه يې د ماشومانو څانګې ته لېږدولي دي.
د یادو ماشومانو پلار نورالحق نومیږي چې اصلآ د کاپیسا ولایت د تګاب ولسوالۍ اوسیدونکی دی او اوس مهال د ننګرهار ولايت مرکز جلال اباد ښار اړوند قصبې سیمه کې ژوند کوي، هغه غريبکار دی چې په وینا یي اقتصادي وضعیت یې کمزوری دی.
د یادونې ده چې څو ورځې وړاندې د ننګرهار سیمه ایز روغتون په نسایي ولادي څانګه کې یوې مور څلور زامن زیږولي وو.