ملې دفاع وزارت وایي چې د غزني ولایت په «قره باغ» ولسوالۍ کې په فوځي عملیاتو کې د طالبانو له یوه زندان څخه ۸ تنه امنیتي سرتیري خوشي شوي دي.
د خاور میانه خبرې اژانس د راپور له مخې چې د ملې دفاع وزارت د نن ورځې( مرغومي ۷) د خبرپاڼې څخه یې نقل کړی دی دغه عملیات د قره باغ ولسوالۍ په «موشکي» کلې کې په لاره اچول شوي وو.
په خبرپاڼه کې راغلي دي چې د طالبانو له زندان څخه ۸ تنه امنیتي سرتیري ازاد شوي او زندان له مینځه وړل شوی دی.
د ملې دفاع وزارت وایي چې دغه ځواکونه له میاشتو میاشتو په زندان کې وو.
وسله والو طالبانو لا تر اوسه په دې اړه خپل نظر څرګند کړی نه دی.
Author
