د مزارشریف ښار په مرکز کې د ترافیکي پولیسو په یوې رینجر موټر د ځای پرځای شوي ماین د چاودنې په پایله کې ۱۸ ټپیان شوي دي.
د خاورمیانه خبري اژانس د راپور له مخې، دغه پیښه نن د لیندۍ په ( ۲۶) نیټه سهار د مزار شریف ښار د مبارکې روضې اړوند رامنځ ته شوې ده.
د بلخ ولایت د پولیسو ویاند عادل شاه عادل وایې، دغه پیښه په یوه بایسکیل کې د ځای پرځای شوي ماین له امله وه چې د ترافیکي پولیسو په رینجر موټر رامنځ ته شوې .
نوموړي زیاته کړه ، چې په دې چاودنه کې ۱۲ ملکي وګړي، یو پولیسو او ۵ ترافیکی پولیسو ټپیان شوي.
تراوسه کوم شخص او یا هم کومې ډلې د دې پیښې مسولیت په غاړه نه دی اخیستی.