رباني: ملي وحدت حكومت په خپلو ژمنو كې پاتې راغلى د جمعیت اسلامي ګوند وایي، د ملي یوالي حکومت د خپلو ډېر شمېر هغه بنسټیزو دندو چې د ملي یوالي د حکومت د جوړېدو په هوکړه لیک کې ذکر شوي، په ترسره کولو کې پاتې راغلی دی.
د دغه ګوند مشر او د بهرنیو چارو وزیر صلاح الدین رباني چې د شنبې په ورځ یې د نوموړي ګوند په یوه غونډه کې خبرې کولې وویل، د ملي یوالي د حکومت مشران
رباني وایي، باید تر دوه کلونو پورې د اساسي قانون د تعدیل لویه جرګه جوړه شوې وای خو په وینا یې تر اوسه پورې د دغه جرګې د جوړېدو لپاره لومرني کارونه لکه د ټاکنیزنظام اصلاح کول، د ولسي جرګې او ولسوالیو د شوراګانو د ټاکنو ترسره کول هم نه دي شوي او په وینا یې له ټاکنیزو اصلاحاتو او الکترونکي تذکرو له وېشلو پرته د رڼو ټاکنو تمه هم نه شي کیدی.
د جمعیت د ګوند مشر صلاح الدین رباني دغه راز په هیواد کې د سولې له لړۍ هم ملاتړ وکړ او د دولت له وسلوالو مخالفینو څخه یې وغوښتل چې خپلو اهدافو ته د رسېدو لپاره له سیاسي لارو چارو مبارزه وکړي.
دا په داسې حال كې ده چې نن د حراست او ثبات شورا مشرانو هم په يوه غونډه كې پر حكومت ګڼې نيوكې لرلې.
Author
