د سوريې لپاره د ملگرو ملتونو ځانگړي استازي د دولت مخالفينو د پلاوي له لوري د پخلايني خبرو د ځنډولو له وړانديزه خبر ورکړی -

د سوريې لپاره د ملگرو ملتونو ځانگړي استازي د دولت مخالفينو د پلاوي له لوري د پخلايني خبرو د ځنډولو له وړانديزه خبر ورکړی دی خو د سوريي دولت پلاوي بيا دا ورانديز د خبرو په لاره کې ناغيړي بولي

د سوریې لپاره د ملګرو ملتنو ځانګړي استازي اسټیفن ډمستورا ویلي: د سوریې دولت وسله والو مخالفینو استازو ویلي، په سوریه کې جګړو او شخړو ته په کتو سره دوی تر اوږدې مودې خبرو ته دوام نشي ورکولای خو په سویس کې پّ غیر رسمي خبرو کې ګډون ته چمتو دي.

استيفن دمستورا؛ “ما نن واوریدل چې د سورې د دولت مخالفینو تر اوږدې مودې د خبرو پر دوام نیوکه کړې ده ددوی دا پریکړه په سوریه کې د ناسمو حالاتو په هکله کړې او دا مسله په سوریه کې له اوربند سره تړاو لري.”

د سوریې لپاره د ملګرو ملتونو ځانګړي استازي ویلي ده د سوریې د مخالفینو له استازو څخه غوښتي ترڅوږ په سوریه کې پاتې شي او پّ غیر رسمي توګه خپلو خبرو ته دوام ورکړي. دمستورا ویلي اوس هم د دولتي او مخالفینو د استازو ترمنځ په لوړه کچه اختلافات شتون لري.

دا په داسې حال کې ده چې دولتي پلاوي د مخالفینو دا غوښتنه د پخلاینې په لاره کې د خنډونو رامنځ ته کول ښودلي دي.

بشار جعفري؛ “مونږ دا مسولانه خبرې واوریدې د مخالفینو استازي چې د عربستان په حکومت تړلي په سوریه کې د جګړې د دوام غوښتونکي دي دوی غواړي د سوریې پر پوځ برید وکړي او له اوربنده سرغړړونه. دوی نغواړي ترڅو په سوریه کې د وینې تویدنه بنده شي.”

خو د سوریې د دولت د مخالینو استازي د جګړې د دوام پړه پر دمشق اچوي وایي چې دولت د جګړې د دوام غوښتنه کوي ده ویلي هرکله چې اوسنیو حالاتو بدلون وکړ نو دوی به د جنیو خبرو ته را وګرځي.

محمد علوش؛ “مونږ د خبرو دوام لپاره نیټه نده ټاکلې خو هرکله چې په سوریه کې حالات ښه شول مونږ به د پخلاینې خبرو ته دوام ورکړو خو اوسنیو حالاتو ته په کتو سره د خبرو دوام کومه ګټه نلري.”

د سوریې په هکله د جینو ناستې دوهم پړاو د تیرې پنجشنبه په ورځ پیل شو خو ویل شوي چې په دې پړاو کې هم دواړو خواو ډير اختلافات درلودل.