د G 7 ډلې غړيو هيوادونو د بهرنيو چارو وزيران د جاپان په هيروشيماي ښار کي سره راټول شوي -

د G 7 ډلې غړيو هيوادونو د بهرنيو چارو وزيران د جاپان په هيروشيماي ښار کي سره راټول شوي ترڅو له اټومي وسلي د پاکي نړۍ او د ترهگرۍ پر وړاندې د مبارزي په هکله خبرې وکړي

جاپان ددې ناستې د کوربه هیواد په توګه دا ناسته د هیروشیما په ښار کې په لاره اچولې او له غړیو هیوادونو څخه غواړي ترڅو له اټومي وسلې څخه د پاکې نړۍ پیغان ټولو هیوادونو ته ورسوي. په دې ناسته کې د جاپان د بهرنیو چارو وزیر ویلي: دوی له اټومي وسلې

G7 foreign ministers react as they pose for a family picture on the second day of their meeting in the northern German city of Luebeck, April 15, 2015. Pictured are (L-R) EU High Representative for Foreign Affairs and Security Policy Federica Mogherini, Italian Foreign Minister Paolo Gentiloni, Canadian Foreign Minister Rob Nicholson, French Foreign Minister Laurent Fabius, German Foreign Minister Frank-Walter Steinmeier, U.S. Secretary of State John Kerry, British Foreign Secretary Philip Hammond and Japanese Foreign Minister Fumio Kishida. REUTERS/Fabrizio Bensch

د پاکې ټولنې غوښتونکي دي.

فوميو کيشيدا، “هیله مند یم چې دا ناسته د اټومي وسلې څخه د پاکې نړۍ د رامنځ ته کیدو لامل وګرځي. مونږ وینو چې اوس نړۍ په دوه برخوویشل شوې ده چې یوه برخه یې د اټومي وسلې درلودونکې ده او بله برخه بیا دا وسله نلري زه هیله مند یم چې اټومي وسلې درلودونکي هیوادونه تر ډيره د نړۍ د امنیت په هکله فکر وکړي.”

دا ناسته له هغه لنډې مودې وروسته په لاره اچول شوې چې پّ دې وروستیو کې شمالي کوریا پر ځینو اټومي آزموینو لاس پورې کړی او ویلي یې دي چې دوی د نړۍ په هره برخه کې خپل دښمن په نښه کولای شي. د امریکا له لوري په هیروشیمای ښار د اټومي وسلې د برید له اوو لسیزو په تیریدو سره جان کري د امریکا یواځینی لوړ پوړۍ چارواکی دی چې ددې پیښې د یادونې په مراسمو کې یې ګډون کړی دی او د قربانیانو ځلې ته یې د ګلونو ګیډۍ په ایښودلو سره یې دوی ته درنښت کړی دی.

امریکا د نولس سوه پنځه څلویښتم کال د اګست میاشتې په شپږمه نیټه اټومي بم کارولی چې له امله یې ددې ښار ډيره برخه ویجاړه شوه.

د جاپان، آلمان، بريتانيا، فرانسی، ايتاليا او کانادا، د بهرنیو چارو وزیرانو د بحث موضوع د اټومي وسلې د کمښت ترڅنګ د سوریې اوکراین د ستونزو د هواری پر حل لارې او او د ترهګرۍ پر وړاندې د مبارزې په تړاو خبرې ده

په دې ناسته کې د المان د بهرنیو چارو وزیر ګډون ندی کړی ځکه چې دده الوتکه له چین څخه جاپان ته له تخنیکي ستونزې سره مخ شوې ده اشټاین مایر ددې ناستې په لړ کې د غړیو هیوادونو ترمڼخ د اړیکو د پراختیا او په دې ډله کې د روسیې د ګډون غوښتنه کړې. دا ناسته به نن د یوې اعلامیې په خپریدو سره پای ته ورسیږي.