د کويټ جنايي محکمي ، ايران ته د جاسوسي په تور دوه تنه په اعدام محکوم کړي دي

د کويټ جنايي محکمي نن پر يوه ګروپ چې ايران ته د جاسوسي په تور تورن دي جزايي حکم صادر کړ. د محکمي د حکم پر اسا س د ايران دوه تبعه چې ايران ته يي جاسوسي کوله په اشد مجازات يا اعدام محکوم شوي دي.

د ۲۰۱۵ کال د اګست په نيمائي کې د کويټ امنيتي ارګانونو په دغه هېواد کې د «حزب الله » مرکزي هسته کشف کړه. په کويټ کې «حزب الله » د يو ترورستي سازمان په توګه پيژني. پوليسو له دوی څخه يوه زياته اندازه وسلې او مهمات تر لاسه کړل، او د دغه ګروپ اصلي تورن ونيول شو له دوي څخه د هيواد په شمال د العبدلي په سيمه کې چې د عراق پولې ته نږدې پرته ده په ساتنځي کې ۱۹ ټنه مهمات ، ۱۴۴ کيلو ګرام چاوديدونکې توکې، ۶۸ ميله ټوپک تر لاسه شوي دي.

د سيپتمبر په مياشت کې لوئي څارنوالې پر ۲۴ تنو اتها مات پورې کړي دي. دوی پر دي تورن دي چې د وسلو ، مهماتو، او چاوديدونکې توکې د قاچاق برسيره د ايران اسلامي جمهوريت او «حزب الله» سره يي تماس درلود او هغوی ته يي معلومات ورکول تر څو په راتلونکې کې هم خپلو جناياتو ته دوام ورکړي