سوريي پوځيانو له اردن سره گډې پولي ته نږدي د خپلو وسله والو پر وړاندې پراخ چنيز عمليات پيل کړي -

سوريي پوځيانو له اردن سره گډې پولي ته نږدي د خپلو وسله والو پر وړاندې پراخ چنيز عمليات پيل کړي دي ويل شوي دا عمليات چي د روسيي له هوايي بريدونو سره مل دي په برياليتوب پر مخ روان دي د سوريي بشر حقونو ويلي په دي عملياتو کي له دوارو خواوو ډيری کسان وژل شوي دي

له سوریې څخه د رارسیدلو ریپوټونو له مخې، د سوریي دولتيٍ سرتیرو دا عملیات تیره ورځ د سویلي درعا ښار د آزادولو په موخه په لاره اچولي دي. د وسله والو یوه قومندان ابو الع هوراني الجزیرې شبکې ته ویلي: دولتي سرتیرو په ځینو سیمو کې پرمختګ کړی او روسي ځواکونو د وسله والو پر لیکو درنې بمبارۍ کړې دي. د ریپوټونو له مخې پر ایتلاف اړوند وسله والو چې د القاعدې په ګدون له څلور پنڅوسو ډلو رامنځ ته شوی په دې سیمه کې چې له اردن سره ګډې پولې ته پرته ده شتون لري.

بله خووا د سوریې پوځ ویلي: دولتي سرتیرو په دې سیمه کې د القاعدې پر وړاندې په عملیاتو کې پرمختګ کړی او ددې عملیاتو موخه د شیخ مسکین ښار نیول ده د هغه سیمې چې دمشق له درعا ولایت او د اردن له پولې سره نښلوي.

د سوریې بشر حقونو څانګې چې ددې هیواد په کورنۍ جګړه څارنه لري، د دولتي سرتیرو او وسله والو ترمنځ د سختې جګړې له رامنځ ته کیدو خبر ورکړی ویلي یې دي، په دې نښته کې له دواړو خواوو ډیریو کسانو ته مرګ ژوبله اوښتې ده.