د يمن په هکله سوله ايزي خبرې دوه اونۍ وروسته پيليږي

ددې هيواد لپاره د ملگرو ملتونو ځانگړې استازي ويلي د يمن په جگړه کي ښکيلو خواوو د خبرو له پيليدو او ملگرو ملتونو ۲۲۱۶ پريکړه ليک پلي کولو ته غاره ايښې ده

ددې هيواد په اته مياشتيني جگړه کي ۵۶۰۰ کسان وژل شوي دي

د يمن لپاره د ملگرو ملتونو استازي او د ښکليو دلو ترمنځ منځگړي اسمعيل ولد شيخ احمد له يوې رسنۍ سره په مرکه کي ويلي: دیمن د سولې په هکله سوله ایزې خبرې به د روانې میاشتې به پنځه لسمه نیټه پیل شي او په یمن کې ښکیلو اصلي خواوو یعني د تښتیدلي ولسمشر عبدربه منصور هادی او حوثیانو غوښتنه کړې ترڅو په دې غونده کې د ملګرو ملتونو دوه زره دوه سوه شپاړسم پریکړه لیک پلي کیدو ته لاره هواره شي.

ددې پریکړې له مخې د حوثیانو ډله به له ښارونو خپل ځواکونه به شا کوي او پلازمینه به د هادي منصور حکومت ته پریږدي. شیخ احمد په مسقط کې د ملګرو ملتونو د استازي او حوثي چارواکیو ترمنځ له خبرو خبر ورکړی ویلي یې دي چې د ملګرو ملتونو ډلې په ریاض کې د منصور هادي له پلویانو سره هم خبرې کړي دي ده ویلي په دې خبرو کې تر دوه اونیو د پخلاینې د خبرو پیلیدو پریکړه شوې ده. ده په یمن کې حالات ډير کړکیچه ښودلي ټینګار یې کړی چې باید دا خبرې تر نږدې راتلونکې پیل شي.

اسماعيل ولد شيخ احمد ویلي: ” بشری حالات څرنګه چې پوهیږې د ناورین په لور روان دي خلکو ډیر ځوریدلي او مونږ باید ددې ستونزې د هواری لپاره ژر تر ژره لاس په کار شو.”

بله خوا د عربستان بهرنیو چارو وزیر عادل جبیر ویلي: په یمن کې د ایتلاف عملیات خپلې وروستۍ برخې ته رسیدلي دي. د سعودي عربستان په مشرۍ د ایتلاف بریدونه اته میاشتې وړاندې پر یمن پیل شوي او تر اوسه ددې هوایي بریدونو او جګړه په لړ کې پنځه زره شپږ سوه کسان وژل شوي دي.