هلمند کې ۱۱ وسله والو طالبانو ته مرګ ژوبله اوښتې
د هلمند ولايت په مارجې ولسوالۍ کې د ملي اردو په مشرۍ په ترسره شويو عملياتو كې۱۱ وسله والو طالبانو ته مرګ ژوبله اوښتې.
د هلمند له د ۲۱۵ميوند قول اردو له مطبوعاتي دفتره نن كليد ته په رالېږل شوې خبرپاڼې كې راغلي، چې دغه عمليات د ملي اردو، ملي پوليسو او ملي امنيت سرتېرو لخوا د دي ولایت د مارجې ولسوالۍ په تریخ ناور سيمه کې ترسره شوي دي.
خبرپاڼې زياته كړې، چې په دغو عملياتو كې ۳ وسله وال طالبان وژل شوي او ۸ نور ټپیان شويي دي.
د سرچينې د معلوماتو له مخې د دغو عملیاتو پرمهال د سیمې اوسېدونکو او امنيتي سرتېرو ته کوم زیان نه دى اوښتى.
وسله والو طالبانو تراوسه په دې اړه څه نه دي ويلي.
Author
