د پاکستان د سوداګرۍ وزیر نن له غرمې وروسته کابل ته راغی
![](https://middleeastpress.com/pashto/wp-content/uploads/sites/4/2015/04/kabul-airport03072.jpg)
د پاکستان د سوداګرۍ وزیرخورم دستګیرخان نن له غرمې وروسته کابل ته راغی.
نوموړي چې د کابل په هوایې ډګرکې خبریالانو سره خبرې کولې وویل چې په دې سفر کې غواړي چې د افغان ولسمشر محمد اشرف غني سربیره له یو شمېر نورو لوړ پوړو چارواکو سره هم خبرې وکړي:
″هدف معلوم دی چې باید د افغانستان او پاکستان د خلکو ملاتړ وشي، حقیقت دا دی چې د سیمې خلک باید سوداګري د اقتصادي ودې، سوکالۍ او د سولې د یوه بنسټ په توګه وکاروي.″
ټاکل شوې چې نن د خيبرپښتونخوا ايالت د اعلى وزير پرويز خټک په مشرۍ یو بل جګپوړى پاکستاني پلاوى هم کابل ته راشي .
د خيبرپښتونخوا د اعلى وزيرپه مشرۍ دا پلاوى په داسې حال کې کابل ته سفرکوي چې له تېروڅو مياشتو راهيسې د پاکستان بېلابېلو پوځي او ملکي چارواکو هم افغانستان ته سفرونه کړي دي.