د افغانستان له فضا څخه له هری تیریدونکي الوتکې پنځه سوه ډالره مالیه اخستل کیږي
د افغانستان له فضا څخه له هری تیریدونکي الوتکې پنځه سوه ډالره مالیه اخستل کیږي
د افغانستان د هوايي چلند خپلواکه اداره وايي؛ له دې وروسته به له هر هغې بهرنۍ الوتکې څخه چې د دې هیواد له فضا څخه تیریږي پنځه سوه ډالره مالیه اخلي.
له دې وړاندې د افغانستان له هوايي حریم څخه د بهرنیو شرکتونو د الوتکو له پراوزونو څخه هر ځل څلور سوه ډالر اخیستل کېدل.
د افغانستان د هوایي چلند ادارې په یوه خبرپاڼه کې ویلي چې د هوايي حریم څخه د تېریدونکو بهرنیو پروازونو ټکس د کابینې د یوې پریکړې له مخې زیات شوی دی.
له دې لارې په کال کې په میلیونونو ډالر د افغانستان په دولتي خزانه کې جمع کیږي.
په اعلامیه کې ویل شوي چې اوس مهال په ورځ کې له ۲۰۰ څخه تر ۲۳۰ پورې بهرني هوايي پروازونه د افغانستان له هوايي حریم څخه تیریږي
Author
About Author
