امضای توافق نامه انتقال برق از طریق افغانستان به پاکستان
وزارت مالیه افغانستان، توافق نامه انتقال برق از کشورهای قرقیزستان و تاجیکستان از طریق خاک افغانستان را با وزیر اقتصاد پاکستان امضا کرد.
به گزارش خبرگزاری خاورمیانه، بر اساس توافقات از قبل انجام شده میان قرقیزستان، تاجیکستان، افغانستان و پاکستان، قرار است پاکستان ۷۰۰ میگاوت برق را از کشور های قرقیزستان و تاجیکستان از طریق خاک افغانستان به کشورش انتقال دهد.
اخیرا «شیرعلی جاناناف» سفیر تاجیکستان در پاکستان ارزش خط انتقال برق CASA-1000 را حدود یک میلیارد و ۱۶۰ میلیون دالر امریکایی ارزیابی کرده بود.
در همین حال محمد اسحاق دار، وزیر اقتصاد پاکستان در حاشیه اجلاس سالانه بانک جهانی و صندوق بین المللی پول در واشنگتن، توافق تجارت پایدار برق منطقه ای بین جمهوری قرقیزستان، تاجیکستان، افغانستان و پاکستان را با عمر زاخیلوال؛ وزیر مالیه کشورمان به امضا رساند.
پروژه کاسا ۱۰۰۰ از سال ۲۰۰۷ مورد توجه قرار گرفته است و شامل ساخت خطوط انتقال برق از قرقیزستان و تاجیکستان از طریق افغانستان به پاکستان است.