سرطان ۲۰, ۱۳۹۹

کرزی عازم تاجیکستان شد

حامد کرزی رئیس جمهوری کشور در راس یک هیات عالی رتبهء دولتی صبح امروز (دوشنبه) عازم تاجیکستان شد.

به گزارش خبرگزاری خاورمیانه، رئیس جمهورکرزی بنابر دعوت رسمی امام علی رحمان رئیس جمهور تاجیکستان، عازم دوشنبه پایتخت آن کشور شده است.

قرار است رئیس جمهور کشورمان در جریان این سفر رسمی دو روزه با رئیس جمهور تاجیکستان دیدار کند و در مورد روابط و همکاری ها میان دو کشور بحث و گفتگو نمایند.

رئیس جمهور حامد کرزی را در این سفر، داکتر رنگین دادفر سپنتا مشاور امنیت ملی، حضرت عمر زاخیلوال وزیر مالیه، نجیب الله اوژن وزیر فواید عامه، ضرار احمد مقبل وزیر مبارزه علیه مواد مخدر، یحیی معروفی وزیر مشاور در امور بین المللی، عبدالکریم خرم رئیس دفتر مقام عالی ریاست جمهوری، ارشاد احمدی معین سیاسی وزارت امور خارجه و ایمل فیضی سخنگوی ارگ، همراهی می کنند.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *