مانور نظامی تاجیکستان در مرز افغانستان

۲۷ سرطان ۱۳۹۶

نظامیان تاجیکستان، مانور نظامی گسترده‌ای را در نزدیکی مرز با افغانستان در منطقه «کوهستان بدخشان» راه‌اندازی کردند تا مانع حضور تروریستان به خاک این کشور شوند.

به گزارش خبرگزاری خاورمیانه، تلویزیون دولتی تاجیکستان در گزارشی آورده است که این مانور امروز (27سرطان) آغاز شده و برای سه روز دوام خواهد داشت.

وزارت دفاع تاجیکستان گفته است که این مانور برای جلوگیری از ورود هراس‌افگنان وابسته به گروه‌های تروریستی راه‌اندازی شده است.

حمله به تروریست‌ها و نابودی آنها، استراتیژی محاصره و از بین بردن نفوذ تروریزم بین‌المللی در قلمرو تاجیکستان، از اهداف عمده این مانور گسترده نظامی گفته شده است.

در این مانور نظامی، بیش از صد واسطه نقلیه زرهی، طیاره و تجهیزات نظامی مورد استفاده قرار گرفته است.

این مانور در حالی راه‌اندازی شده است که دوشنبه بارها از نفوذ تروریستان از خاک افغانستان به خاک این کشور ابراز نگرانی کرده است.

افغانستان

تاجیکستان

مانور نظامی

مرز


دید گاه خود را بنویسید آدرس ایمیل و شماره در دید گاه نشر نخواهد شد

نام

ایمیل

دیدگاه


برای گزاشتن تصویر خودتان به سایت Gravatar مراجعه کنید.