عبدالله در تلاش تصحیح گفته های قیوم کوچی

۳۰ جدی ۱۳۹۵

رئیس اجرائیه حکومت وحدت ملی، در دیدار با سفیر تاجیکستان تاکید کرد که به هیچکس اجازه داده نمی شود که روابط دو کشور را خدشه دار کند.

به گزارش خبرگزاری خاورمیانه، داکتر عبدالله عبدالله، شام دیروز با شرف الدین امام، سفیر تاجیکستان در کابل دیدار کرده و بر تحکیم روابط دو جانبه تاکید کرد.

در این نشست روابط دو جانبه، همکاری ‌های دوجانبه و تهدیدهای مشترک مورد بحث و تبادل نظر قرار گرفت.

از سویی هم رئیس اجرائیه تاجیکستان را از دوستان استراتیژیک و متحدان قوی افغانستان در منطقه دانسته و تاکید کرد که به ‌هیچکس اجازه داده نمی شود تا روابط دوستانه میان دو کشور را خدشه دار سازد.

هرچند در خبرنامه ریاست جمهوری از افرادی که تلاش دارند رابطه دو کشور افغانستان و تاجیکستان را خدشه دار سازد؛ گرفته نشده است؛ اما هفته پیش قیوم کوچی، سفیر افغانستان در روسیه گفته بود که مواد مخدر کشته شده در افغانستان بیشتر از سوی مافیای تاجیکستان قاچاق شده و به روسیه انتقال داده می شود.

کوچی که کاکای رئیس جمهور غنی است، اظهار داشته بود که مردم روس که در تاجیکستان حضور دارند، اجازه ندارند به زبان مادری شان صحبت کنند و مافیا در تاجیکستان بسیار فعال است.

با این اظهارات احتمال می رود که داکتر عبدالله در دیدار با سفیر تاجیکستان به گفته های قیوم کوچی واکنش نشان داده باشد.

افغانستان

تاجیکستان

داکتر عبدالله

قیوم کوچی


دید گاه خود را بنویسید آدرس ایمیل و شماره در دید گاه نشر نخواهد شد

نام

ایمیل

دیدگاه


برای گزاشتن تصویر خودتان به سایت Gravatar مراجعه کنید.