د تاجیکستان د جمهوري ریاست د ټاکنو د پایلو د اعلان له مخې ،امام علي رحمان یوځل بیا ددغه هېواد د جمهور رییس په توګه ټاکل شوی دی.
د خاور میانه خبرې اژانس د نړیوالې برخې د راپور له مخي،د تاجیکستان د جمهوري ریاست ټاکنې تیره ورځ ترسره شوي او پر شرایطو برابر ۷۰ سلنه خلکو پکې ګډون وکړ.
«راشا ټوډی»په خپل راپور کې راوړي دي چې د تاجیکستان د ټاکنو مرکزې کمیټې نن سهار(تلې۲۱) اعلان وکړ چې ددغه هېواد جمهور رییس «امام علي رحمان» د ۹۰.۹۲ ټاکنیزو رایو په ترلاسه کولو سره د خپلې پینځمې دورې ولسمشرۍ لپاره بریالی شوی دی.
په ټول تاجیکستان کې په ۶۸ ټاکنیزو حوزو او ۳۳۷۵ رایه اچونې مرکزونو کې خلکو رایه ورکړي ده.
په دغه ټاکنو کې د تاجیکستان د خلق دیموکراتیک ګوند نوماند امام علي رحمان د کرکیلې د ګوند د نوماند رستم لطیف،سوسیالیست ګوند د نوماند عبدالحلیم غفارف ،د اصلاحاتو د ګوند د نوماند رستم رحمت زاده او د کمونیست ګوند د نوماند عبدالله اف سره سیالي ترسره کړه.
نوموړی له ۱۹۹۲ میلادي کال راهیسې د واک په ګدۍ ناست دی او اووه کاله به نور هم په جمهوري ریاست کې پاتي وي.
Author
