د کاپیسا د ترافیکو د تنظیم امر په ډزو وویشتل شو

ناپیژانده وسلوالو کسانو،د کاپیسا د ترافیکو د تنظیم امر په ډزو ویشتلی او وژلی دی.

د کاپیسا د پولیسو ویاند،شایق شورش د خاور میانه خبرې اژانس سره په خبرو کې څرګنده کړه چې دغه پیښه نن سهار(غبرګولي۱۲) د ولایت په مرکز کې رامنځته شوې ده.

د نوموړي پر وینا،ناپیژانده وسله والو کسانو ددغه ولایت د ترافیکو د تنظیم امر؛ سمونیار سیدمنیر په ډزو ویشتلی او له سیمې تښتیدلي دي.

شورش څرګنده کړه چې دغه پیښه هغه مهال رامنځته شوي ده چې د ترافیکو د تنظیم امر خپل کار ځای ته روان وو.

د کاپیسا د پولیسو ویاند څرګنده کړه چې  جدې څیړنې پیل شوي او هڅه کیږي چې تر څو د پیښې عاملین ونیول شي.

لا تر اوسه کوم یو شخص یا ډلې ددې پیښې مسوولیت په غاړه اخیستی نه دی.

Author

About Author

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *