په زابل کې د طالبانو په برید کې د اردو شپږ سرتیري ووژل شو
دفاع وزارت وایي چې د زابل ولایت په ارغنداب ولسوالۍ کې پر یوې امنیتي پوستې د وسله والو طالبانو په برید کې د ملې اردو شپږ سرتیرو خپل ژوند له لاسه ورکړی دی.
د خاور میانه خبرې اژانس ،د راپور له مخې،دفاع وزارت د نن ورځې (وري ۱۱) په خبرپاڼه کې ویلي دي چې وسله والو طالبانو تیره شپه د ارغنداب ولسوالۍ په مربوطاتو کې د امنیتي ځواکونو پر پوسته برید ترسره کړی دی.
دفاع وزارت وایي چې په دې برید کې د ملې اردو شپږ تنه سرتیري چې د «فعالې دفاع» په حال کې وو،خپل ژوند له لاسه ورکړی دی.
د سرچینې پر وینا،امنیتي ځواکونه توانیدلي چې برید په شا وتنبوي او دغه ډلې ته یې تلفات هم اړولي دي.
دغه برید په داسې حال کې ترسره کیږي چې د بین الافغاني مذاکراتو لپاره هلې ځلې رواني دي.
د زابل ولایت په مرکز کې د روان لمریز کال په لمړیو کې هم د ملې اردو ۱۷ سرتیرو خپل ژوند له لاسه ورکړی وو.
Author
About Author
