په سالنګ کې د ټیلري موټرو تګ راتګ بند شو

۲۲ دلو ۱۳۹۸

په سالنګونو کې د واورې سره یوځای طوفان له امله د سالنګ لویه لار د ټیلري موټرو د تګ راتګ پر مخ وتړل شوه.

د خاورمیانه خبرې اژانس د راپور له مخې،د تیر ماښام راهیسې د سالنګ تونل په دواړو اړخونو کې د واورې اورښت پیل شوی او ممکن تر صبا پورې به دوام ولري.

د سالنګونو د حفظ او مراقبت ریاست وایي چې د واورې سره مل طوفان له امله د لوې لار سړک په بشپړ ډول د ټیلري موټرو پرمخ تړل شوی دی.

د سرچینې پر وینا نور مسافر وړونکي او باروړونکي موټرې کولای شي چې د وسایلو په رعایت کولو سره کولای شي په دغه لار تګ راتګ وکړي.

د سالنګونو د حفظ او مراقبت چارو ریاست د اعلان پر بنیاد، دم ګړۍ د عمومي لارې وضعیت پر دې ډول دی:

د لیدلو سیمه: ۱۰۰ متره

د باد چټکتیا:په ثانیه کې ۱۳ متره

رطوبت:۹۹%

د هوا یخښوالی: ۱۰- سانتي ګیراد درجه

د سړک پر فرش کنګل: شاوخوا ۲۵ کیلومتره

په شمال کې د واورې د طبقې  ضخامت: ۱۸ سانتي متر

په جنوب کې د واورې د طبقې ضخامت:۲۰ سانتي متر

په راتلونکو ۲۴ ساعتونو کې د واورې د اورښت امکان: ۸۰%.

ټیلري

سالنګ


خپل لېد لوری مو ولیکئ ستاسې ایمیل ادرس او شمیره شاید په لید لوري کې خپره نه ش شد

نوم

ایمیل

لېد لوری


برای گزاشتن تصویر خودتان به سایت Gravatar مراجعه کنید.