د افغانیو پر وړاندې د ډالر او کلدارې د ارزښت سقوط کیدل -

د هېواد په ځینو ولایتونو کې په تبادلې او سوداګریزو معاملاتو کې د کلدارو د منع کیدو وروسته،د افغانیو پر وړاندې د امریکایي ډالر او پاکستانۍ کلدارې ارزښت د ټیټیدو په حال کې دی.

د خاورمیانه خبرې اژانس د اقتصادي برخې د راپور له مخې،د ډالر پر وړاندې د افغانۍ ارزښت د تیرې اوونۍ په نسبت یوه افغانۍ کموالی موندلی او همدارنګه زر کلدارو ۲۰ افغانۍ کموالی پیدا کړی دی.

د نن ورځې (مرغومي۱۰) په بازار کې د افغانیو پر وړاندې د ډالر ارزښت ۷۷.۲۰ افغانۍ دی چې د وروستيو ورځو په جریان کې یې د یوې افغانۍ په اندازه کموالی کړی دی.

د نورو بهرنیو اسعارو پر وړاندې د افغانیو ارزښت په دې ډول دی:

یو ډالر د ۷۷.۲۰ افغانیو سره برابر

یوه یورو د ۸۵.۷۰ افغانیو سره برابر

یو انګلیسي پونډ د ۱۰۰ افغانیو سره برابر

یو سعودي ریال د ۲۰.۴۰ افغانیو سره برابر

د اماراتو یو درهم د ۲۰.۹۰ افغانیو سره برابر

زر ایراني تومانه د ۶ افغانیو سره برابر

زر هندي روپۍ د ۱۰۷۰ افغانیو سره برابر

زر پاکستانۍ کلدارې د ۴۷۲ افغانیو سره برابر

د کابل د اسعارو د بازار د مالوماتو پر بنیاد،د افغانیو او نورو بهرنیو اسعارو بیې هره شیبه د بدلون په حال کې دي.

د افغانیو پر وړاندې د بهرنیو پیسو په ځانګړي ډول د ډالر د ارزښت دا کمښت په داسې حال کې دی چې تیره اوونۍ هم مرکزي بانک ۳۵ میلیونه ډالر لیلام کړي وو.